Proiektua

Bizilore Elkartea hezkuntza arloan eragiteko asmoarekin sortu genuen 2013an. Ordutik, bilakaera nabarmena izan dugu. Lehenik, hezkuntza-proiektu homologatu bat garatzeko erabakia hartu genuen eta, ondoren, Hazkuntza Proiektu Integral bat izateko nahia sortu zen. Horrek zer esan nahi du guretzat? Ba, hazkuntzarekiko dugun ikusmira, ez genuela soilik gure haurrentzako nahi, baizik eta baita gizartearentzako ere, oro har. Horrela joan ziren mamitzen hitzaldiak, aisialdiko ekintzak, psikomotrizitate saioak eta hainbat formakuntza.

Aipaturiko horiek bezala, aterpetxe-jatetxearen ideia ere ez zegoen gure egitasmoan sorreratik. Alabaina, gure eskola proiektuak bizirik irauteko, behar zuen bestelako diru-iturririk. Horregatik aukeratu genuen Abaraxka Aterpetxea izango den eraikina, batetik, eskola bat izateko ezaugarriak betetzen zituelako eta, bestetik, bazuelako herrira begira eskaintzeko beste zerbitzu bat ere, aterpetxea hain zuzen ere. Hala, diru irabazi asmorik gabeko elkarte bat garenez,  xoxak irabaztekotan proiektuan bertan inbertitzeko izango dira.

Eta horrelaxe joan da gure proiektua handitzen, bixi-bixi. Ez da erraza izan; handia izan da egindako lana; zailtasunak franko eta buruhauste ugari ere izan ditugu. Baina taldean eutsi diogu guztiari, auzolanean eta elkarri lagunduz.

Esan bezala, aterpetxe-jatetxearen egitasmoa gure helburuetan ez bazegoen ere, oso bateragarria deritzogu gure proiektuarekin. Bertan, aukera paregabea dugu gure ikusmira zabaltzeko, eta ekimen ugari antolatzeko asmoa dugu herrira begira; horretarako gune ezin aproposagoa dugu Abaraxkako antzokian. Espazio hori 175 metro karratuko areto eder bat da eta zabalik egongo da bokadilo bat jateko, jolasteko, bidezko merkataritzako kafeaz gozatzeko, irakurtzeko, epelean lasai egoteko, etab.

Aterpetxean, berriz, 4 pertsonentzako 6 gela eta bi suite bikoitz izango ditugu, giro lasai eta goxoan gauak pasa nahi dituztenentzako. Nola ez, gosari zerbitzuarekin.

Mikel Uria gurean izatea, berriz, zorte handia da guretzat. Aholku eske joan ginelako ezagutu zuen proiektua eta, azkenean, lagundu ez ezik, elkarrekin lan egitea adostu genuen. Maila handiko sukaldaria da eta bere esperientzia, profesionaltasuna eta apaltasuna opari bat dira guretzat. Otsailaren 27tik aurrera taberna eta jatetxe zerbitzuak ditugu martxan. Izan ere, eskaintza handia egin nahi genuke, baina pixkanaka hasiz eta zerbitzu ona bermatuz. Martxoaren 11rako aterpetxearen zerbitzu guztiak prest izatea espero dugu. Momentu honetako ordutegiak hauek dira:

Bizilore Elkartea hezkuntza arloan eragiteko asmoarekin sortu genuen 2013an. Ordutik, bilakaera nabarmena izan dugu. Lehenik, hezkuntza-proiektu homologatu bat garatzeko erabakia hartu genuen eta, ondoren, Hazkuntza Proiektu Integral bat izateko nahia sortu zen. Horrek zer esan nahi du guretzat? Ba, hazkuntzarekiko dugun ikusmira, ez genuela soilik gure haurrentzako nahi, baizik eta baita gizartearentzako ere, oro har. Horrela joan ziren mamitzen hitzaldiak, aisialdiko ekintzak, psikomotrizitate saioak eta hainbat formakuntza.

Aipaturiko horiek bezala, aterpetxe-jatetxearen ideia ere ez zegoen gure egitasmoan sorreratik. Alabaina, gure eskola proiektuak bizirik irauteko, behar zuen bestelako diru-iturririk. Horregatik aukeratu genuen Abaraxka Aterpetxea izango den eraikina, batetik, eskola bat izateko ezaugarriak betetzen zituelako eta, bestetik, bazuelako herrira begira eskaintzeko beste zerbitzu bat ere, aterpetxea hain zuzen ere. Hala, diru irabazi asmorik gabeko elkarte bat garenez,  xoxak irabaztekotan proiektuan bertan inbertitzeko izango dira.

Eta horrelaxe joan da gure proiektua handitzen, bixi-bixi. Ez da erraza izan; handia izan da egindako lana; zailtasunak franko eta buruhauste ugari ere izan ditugu. Baina taldean eutsi diogu guztiari, auzolanean eta elkarri lagunduz.

Esan bezala, aterpetxe-jatetxearen egitasmoa gure helburuetan ez bazegoen ere, oso bateragarria deritzogu gure proiektuarekin. Bertan, aukera paregabea dugu gure ikusmira zabaltzeko, eta ekimen ugari antolatzeko asmoa dugu herrira begira; horretarako gune ezin aproposagoa dugu Abaraxkako antzokian. Espazio hori 175 metro karratuko areto eder bat da eta zabalik egongo da bokadilo bat jateko, jolasteko, bidezko merkataritzako kafeaz gozatzeko, irakurtzeko, epelean lasai egoteko, etab.

Aterpetxean, berriz, 4 pertsonentzako 6 gela eta bi suite bikoitz izango ditugu, giro lasai eta goxoan gauak pasa nahi dituztenentzako. Nola ez, gosari zerbitzuarekin.

Mikel Uria gurean izatea, berriz, zorte handia da guretzat. Aholku eske joan ginelako ezagutu zuen proiektua eta, azkenean, lagundu ez ezik, elkarrekin lan egitea adostu genuen. Maila handiko sukaldaria da eta bere esperientzia, profesionaltasuna eta apaltasuna opari bat dira guretzat. Otsailaren 27tik aurrera taberna eta jatetxe zerbitzuak ditugu martxan. Izan ere, eskaintza handia egin nahi genuke, baina pixkanaka hasiz eta zerbitzu ona bermatuz. Martxoaren 11rako aterpetxearen zerbitzu guztiak prest izatea espero dugu. Momentu honetako ordutegiak hauek dira: