Abaraxka Aterpetxea

Badira ibilian aurkitzen dituzun aterpetxeak, bidean agertzen zaizkizunak, joan-etorriko babesleku direnak… Nolanahi ere, bada aldi berean aterpe eta helmuga den kokagune bat: Abaraxka du izena.

Abaraxka etxea

Etxeak bi solairu ditu:

Goiko solairuan, bi oheko 3 gela eta bainugela bat.

Beheko solairuan, sukalde guztiz hornitua, jangela, egongela eta bainugela.
Sofa-ohe bat bi lagunentzat. Terraza pribatura irteera.

Zoru erradiatzailea du beheko solairuan, eta berogailuak geletan. Haizagailuak, ontzi-garbigailua, erropa-garbigailua, labea, telebista eta wifia erabilgarri.

Aterpetxeko gelak

2 pertsonentzako
2 gela, komuna barnean.

4 pertsonentzako
6 gela.

10 pertsonentzako
2 gela.

Zerbitzuak

  • Erabilera anitzeko gunea
  • Umeentzat egokitutako kanpo espazioa
  • Doako WIFI zerbitzua
  • Doako aparkalekua
  • Igogailua
  • Informazio turistikoa
  • Mugikortasun murriztuko pertsonentzako egokitua
  • WCak logela edo solairu berdinean
  • Gas galdarako berogailua
  • Lanerako, jardunaldietarako… gelak alokatzeko aukera
  • Aterpetxeko erabiltzaileentzako terraza
  • Txakurrekin etortzeko aukera

Informazioa

50 pertsonentzako ostatua

Ordutegiak:

Sarrera: 16:00tatik 21:00ra

Irteera: 12:00ak baino lehen

Gosaria: 8:00etatik 10:00era

Galdetu, erreserbatu

679 464 473

info@abaraxka.eus

Prezioak

BEHE DENBORALDIA LO EGITEA
Abaraxka etxea 8 pertsonentzat 180€
Abaraxka etxea 6 pertsonentzat 150€
Literak pertsonako 18€
Logela bikoitza bainugela barne 50€
GOI DENBORALDIA (Aste Santuan eta ekainaren 15etik irailaren 15era) LO EGITEA
Abaraxka etxea 8 pertsonentzat 210€
Abaraxka etxea 6 pertsonentzat 170€
Literak pertsonako 20€
Logela bikoitza bainugela barne 60€
Gosaria 4€/pertsonako/egonaldiko
Toailen alokairua 2€/egonaldiko
Talde lanerako gela 150€/eguneko

Prezio guztiak BEZa %10 barne

Aukera gehiagorako aurrekontua eskatu

Zer ikusi? Zer egin?

Abaraxka Aterpetxea Azkoitiko muino baten gainean kokatuta dago, Urola bailarako ikusmira ederrenetakoa aurrean duela: bertatik bertara du Izarraitz mendilerro zirraragarria, eta harago ikus daitezke Loiolako basilika aparta eta Azpeitia udalerri hurbila.

Landa giroko ezaugarriak urbanoekin nahasten dira bertan. Aldi berean, etxea Euskal Herrian barna abiatzeko bide ere bihur daiteke nahieran; hala, minutu gutxian hurbil zaitezke bai gure hondartza, mendi nahiz kaleetara, eta bai, jakina, gure jende artera ere.

Abaraxka Zestoatik hamabost minutura dago autoz edo autobusez; bainuetxe-herri horretan dago UNESCOk Mundu Ondare izendatu zuen EkainBerri leize miragarria. Ostera, hogeita bost minutuan irits gaitezke Zumaiako Itzurun hondartzara. Euskal kostaldeko ederrenetako bat da, itsaslabar ikusgarriekin: flysch ibilbidearen hasiera da, Debara bitarteko zortzi kilometroko kostan. Hitz aleman horrekin izendatzen dira sedimentu-jatorriko haitz-geruza formazio txundigarriak: haien bitartez, gure planetak urterik urte bizitakoa kontatzen digu. Eta 30 kilometrora dugu Zarautz, euskal surfaren sehaska, kirol hori praktikatzen dutenentzako nazioarteko gune ezaguna den herri oparoa. Hori gutxi ez, eta Hego Euskal Herriko lau hiriburuak distantzia bertsura ditu Abaraxkak: 40 kilometrora nola Donostia, hala Bilbo, eta apur bat gehiagora Gasteiz nahiz Iruñea.

 

Argazki Galeria